大師傅粥品 (Closed)

星期六懶得出街買嘢食。就叫咗外賣。諗住嚟緊幾日都食得好豐富，所以就想食清啲。揀嚟揀去，最後揀咗依家大師傅粥品。佢價錢全部都幾抵 20幾蚊就有交易。豬紅皮蛋粥超多皮蛋，雖然佢話加$4只係得半隻，但我睇過發現入邊一定唔止得半隻。另外豬紅都有好多。個粥底都唔錯，幾錦滑！之前叫過海皇粥店外賣，佢個外賣兜嘅份量勁細兜又貴。相比之下大師傅真係好食又平。豉油王炒麵公炒麵只係$15，但係勁大盒。而且查得幾香又唔太鹹！