經過「奧柏．御峰」樓下，見到呢間新開的茶餐廳門口好多人等位，好奇之下就攞張飛等下位先！！～～～
可以地方大，又流轉得快，所以等佐15分鐘都有位了。
茶餐廳裝修幾有香港特色～～～
枱面有茶餐廳必備的「鹽、糖、胡椒」
枱下的櫃筒有餐具、獨立包裝的糖、辣椒油同辣椒醬
中午餐牌好簡單，得5板紙～～～
2
1
1
點了一個好似signature 的「犀飛利銀芽肉絲脆麵」同「滋味焗鮮茄豬扒飯」(聲稱選用意大利番茄)
今日天氣成28。C，所以兩杯餐飲都點了凍飲 (＋$3.0)
「凍奶茶」好飲
茶膽配方調得不錯，入口令人愛上。
「凍檸茶」同樣好飲
可能跟奶茶同一個茶膽配方，有種獨特茶香，令我飲不停。
「犀飛利銀芽肉絲脆麵」
果然犀飛利，一上枱「嘩！～～～」一聲
銀芽肉絲同脆麵分開上，食先淋上去，咁D麵就唔會「林」晒！！
炸起「高高的」的脆麵，唔油膩，好香脆，只係HK$51, 好大碟，抵食！！
「滋味焗鮮茄豬扒」
聲稱用意大利蕃茄，蕃茄味好濃，不過我覺得偏「酸」佐少少
很多芝士，正！！
豬扒都好「林」
炒飯底，加佐「藜麥」，好健康
最後埋單唔算好平HK$108, 但份量多，其實三個人食都夠。
總結：
- 環境企理整潔，裝修富有香港特色
- 食物味道不是驚為天人，但茶餐廳價錢來說好不錯了，我喜歡這兒「茶膽」的味道，奶茶、檸茶都好飲。
- 看到很多食評說「服務態度」不好，但當天整個過程都未見很令我不滿的地方，落單上菜都沒出錯，每次有要求都很快回應我們； 當然我不要求有高級餐廳質素，暫見服務態度正常
- 標價不算平，但份量很多，性價比都算高
