行到去黃埔街個邊，見到個餐牌。咦，午餐咁平嘅，而且有湯有前菜，個樣都幾得下喎，就入去試下啦。
環境雖然唔係話豪裝，但係感覺好親切，好地道，感覺可以同朋友大聲講野飲酒吹水咁，唔駛理人地眼光。
最平真係＄３９就埋單，加一都唔駛。
我就揀左岩鹽牛舌丼（＄４８），可以係前菜中揀其中一樣
有中華沙律，泡菜，泡菜蘿蔔，麻辣海蜇
而且仲包埋麵豉湯添呀。
麵豉湯細細湯，但味道唔錯嫁，有好多料，包括海帶，豆腐，紅蘿蔔同白蘿蔔。
主菜就連埋前菜一齊上。
前菜我揀麻辣海蜇，前菜份量剛剛好，而且辣辣的，岩晒我依個辣妹。
主菜係岩鹽牛舌丼，我想講，份量係好多呀。不單止飯，而且牛舌都好多。
我係幾片牛舌送一啖飯呀，食到尾Ｄ牛舌仲有，你話誇唔誇張。
講返味道，9成熟嘅牛舌岩岩好，唔會太老，Ｄ燒汁送飯又唔會話好咸，夾埋Ｄ洋蔥一齊食真係好味，我食緊途中已經諗定下一次黎食邊個餐好
最後我加多枝烏龍茶＄７，夾埋＄５５，唔駛加一，真係好抵，下次叫埋同事一齊黎幫襯先～
