媽媽想食燒烤，小朋友又想有得玩？
嚟「炑八韓烤親子餐廳」就啱哂啦～呢度係一間適合一家大細嘅韓燒餐廳，大人韓燒，小朋友可以去兒童玩樂區，各自各精彩！
我最喜歡佢嘅有邊爐泡菜蛋同芝士粟米，仲要無限添，又香又好味！
🌟 厚切五花腩
肥瘦均勻，慢慢烤到外皮香，再用生菜包住食，好有韓式風味！
🌟 鰻魚
肉質肥美，燒到微微焦香，加埋鰻魚汁一齊烤，最後夾紫菜一齊食，好滿足！
🌟 王者牛肋骨
超大條牛肋骨，肉質嫩嫩的，醃得夠入味，燒完之後好juicy， 必點之選！
🌟 梨汁雞腿肉
用上清甜梨汁醃製，雞肉嫩滑，食落帶有淡淡果香，小朋友好喜歡！
佢哋呢度仲有設有幾款兒童餐，唔怕小朋友咁唔啱食！我哋就叫左學霸小獅子螺絲粉，獅子🦁造型，有芝士茄汁螺絲粉、牛肉、雞蛋、西蘭花，好有營養又飽肚！
1
🌟 知識雲朵棉花糖芒果特飲
上面用左彩虹棉花糖雲朵做裝飾，下面係清新芒果特飲，甜而不膩！
🌟 快樂放學芒果刨冰
大量芒果肉，下面係刨冰+淡奶，再淋上芒果醬，夏天食真係消暑！
小朋友食飽就可以去餐廳嘅玩樂區玩，有「波波池」同「韓系童心空間」，大人係出面食嘢，小朋友放心係入面玩，另外仲有「免費工作坊」同「親子韓服體驗」，一家人都可以輕鬆享受！
