炑八韓烤親子餐廳 (愉景新城)

Open Now

Now Closed

全新親子餐廳 #炑八韓烤親子餐廳，佔地5000呎，有得玩又有啱小朋友食嘅兒童餐，仲有 #小baby粥糊餐 提供！最正喺餐廳入面就有個遊樂場，最吸引就係有個超多波嘅波波池同滑梯，另外角色扮演、化妝台、小廚房、小超市、玩具車，以及有個幼兒區比細B玩！小朋友仲有得借韓服、頭飾，有姐姐幫手著靚靚，著住韓服入去玩🥰大人一邊燒肉傾計，小朋友食飽就入去自己玩，絕對放心❣️而且呢度嘅兒童餐好多選擇，女生必點 #韓國公主蛋包飯城堡，蛋包飯伴薯仔紅蘿蔔汁，味道無味精適合小朋友！新開幕優惠每位小朋友仲免費送冷壓果汁一杯！當然唔少得大人食嘅韓燒，我地點左 #頂級霜降牛小排、#韓國鰻魚 及 #芝士炸雞，小朋友都食得，當然唔少得可以無限 refill 嘅前菜，同埋邊爐蛋、泡菜蛋及芝士粟米，大人小朋友都鐘意食架！小朋友甜品有 #水果迷你班戟，一口班戟🥞啱小朋友食；而大入就叫左 #熊仔蘋果香蕉窩夫，🧇 造型可愛，上面仲有雲尼拿雪糕😍