九井壽司 (Closed)

放工去左mega box 睇家品, 睇完就黎左呢間壽司店食晚餐, 因為比佢個門口既火車主題吸引左入到去, 安排左坐大卡位, 坐得好舒服, 佢呢度點餐係用平版落單, 之後就會係旁邊既”路軌”送到, 仲有個火車造型添! 我見在場既小朋友每次見到食物黎都好開心食物方面: 有丼飯, 壽司,刺身,手卷, 仲有D炸物! 壽司既款式仲超多!我就叫左雜錦角切魚生丼: 呢個份量好足! 上面既角切魚生鋪到密密麻麻, 有吞拿魚, 三文魚, 希靈魚, 立魚， 青瓜、蟹子同蛋，超級豐富，其中我最鍾意嘅係吞拿魚，佢嘅魚油感十足，用嚟送飯真係超正之後就梗係嗌佢嘅壽司啦，嗌左個軍艦大滿足，蟹肉蟹膏軍艦，蟹子軍艦，芝士蟹子軍艦，吞拿魚蓉軍艦，三文魚子軍艦，最抵讚嘅係佢嘅紫菜仲係脆嘅，每款軍艦都好有水準😋另外仲叫咗兩款手卷，叫咗個軟殼蟹手卷同北寄貝沙律手卷，軟殼蟹熱辣辣好香口；北寄貝沙律個調味都唔錯，濃厚嘅沙律味同北寄貝好夾🥰最後仲忍唔住叫多兩款壽司分別係火炙左口魚壽司同大切劍魚腩，左口魚燒完令佢嘅魚油更加出，劍魚腩大大塊夠晒新鮮！😆呢間餐廳嘅嘢食同埋服務態度都好好，如果有細路仔帶埋過嚟一定仲開心😍