夢見屋 (Closed)

9月24日, 今日遊魂到康怡~ 唔知食乜好之際行到夢見屋, 門口擺嘅food display十分精緻, 於是就決定入去試下喇!::: 忌廉鮮菌蜆肉香草意粉定食 ::: $62每客定食同附沙律同餐湯, 都係淺嘗三兩啖嘅size. 沙律有幾片生菜、洋蔥、火腿同粟米, 配上和風醬汁, 少少地味道不過不失. 羅宋湯味道都正正常常, 只嫌料太少.主菜忌廉鮮菌蜆肉香草意粉醬汁唔多, d意粉唔算十分彈牙, 但咬落都煙韌嘅~鮮菌份量唔多, 蜆肉又細隻, 加上醬汁唔夠, 味道自然偏淡. 賣相係靚嘅~ 不過味道一般. 餐飲點咗好多西日café都做得唔錯嘅凍咖啡~ 呢度都ok~ 有少少帶苦嘅濃烈啡味, 溝埋奶又剛好balance到~ 好飲!::: 日式炸雞飯定食 ::: $68同樣都係附上沙律同羅宋湯, 成個飯餐有齊前菜湯同飲品, 算唔錯~ 炸雞飯其實都只係普普通通, 不過好似好耐冇食過香口野, 忍唔住先叫~ 味道ok, 有照燒汁加上沙律醬, 再加紫菜喺面, 酸酸甜甜咁起碼撈飯食都幾好. 炸雞幾肥, 仲幾油膩, 唔太熱中間仲有少少凍.因為呢d地方叫凍奶茶多數賴野, 所以叫凍檸茶就安全d. 好凍, 飲落凍到得