夢工房西日料理 (Closed)

港人喜歡任食，近年愈開愈多放題餐廳，主打提供任食但價錢較自助餐平宜的市場。今晚跟朋友慶生，便在葵芳找到這間夢工房試試。 周日七點前每位$158，「升級」要任食蠔+ 蟹再多$78，由於生日享有全單八八折優惠，所以每人總數$230左右，算抵食！ 先叫一堆刺身跟海鮮做前菜，大大盤刺身擺設精美亮麗，再配以乾冰點綴，非常吸睛。刺身有三文魚、吞拿魚、蟹棒等，再配有兩隻大蠔跟松葉蟹腳。三文魚新鮮肥美，油脂分佈均勻，入口即溶，未食完已經要加單。生蠔大大隻同樣潤滑鮮彈，鮮味入口香氣澎湃，沒有腥味。松葉蟹蟹腳香甜，可惜要到第二回才有大大件蟹鉗，肉質厚實，鮮甜無窮，心想單是食蠔蟹兩樣已值回票價。其他值得一試的還有多款天婦羅，炸油夠新，溫度夠熱，令天婦羅乾身不油膩。至愛蝦天婦羅肉質爽口，炸漿夠薄身。