基地貳 (Closed)

同朋友去咗尖沙咀赫德道嘅基地貳食泰菜~二樓有巨型LED螢幕播放住唔同景色感覺夢幻！先叫兩杯嘢飲，【Babyccino】用牛奶同鹽味焦糖漿調製，甜蜜又香滑。【Base Colada】圖騰柱杯裝住，用泰國湄公酒加入椰子忌廉、菠蘿漿，好有東南亞風味。【軟殼蟹柚子沙律】即炸軟殼蟹咬落鬆脆，柚子肉夠多夠甜，不過對我嚟講辣咗少少。【泰式牛油果大蝦沙律】大蝦好鮮爽，配牛油果健康有益，沙律係以紫洋蔥、腰果、番茄、牛油果製成嘅他他，再加炸椰絲碎，味道豐富。【飛天炒麵】凌空筷子夾住麵條，店員再喺上面淋上芝麻芡汁。海鮮麵有蝦、魷魚、菇，成個麵份量好大，三個人share都得。【芒果班蘭糯米飯】最後梗係要食甜品，中層係班蘭糯米飯，面層係新鮮芒果同椰漿、炸椰絲。