咖啡灣 (Closed)

今日黎到寶琳先知原來呢度係有咁多野食架！花多眼亂下都係揀左呢間睇落環境舒服既cafe食晚餐。環境：呢度環境真係好舒服呀，裝潢佈置好似花園咁，地方光猛，而且好乾淨，同埋好想提下呢度個menu都好少女好靚，岩晒同班女仔friend黎食野打卡影靚相！服務：侍應笑容好好咁主動向我地推介有咩好食，同提我地飲品優惠，見我地食完個餐就好快有人黎執野，等我地舒服d咁飲埋杯特飲。衛生：地方光猛又乾淨。味道：男朋友點左侍應推介既海膽龍蝦意大利飯同棉花糖朱古力，個飯係超級足料！特登影低左幾大舊龍蝦肉，肉質爽口，啖啖係肉！海膽份量都唔少，都有成排，撈埋充滿source既意大利飯係勁好味既海鮮餐！棉花糖朱古力都係好足料，d棉花糖多到滿瀉，味道都好唔錯！我就點左另一店長推介，三文魚黑松露白汁意粉，都係個句，份量好足料，見唔見到d魚子多到就黎見唔到底下d意粉，仲有幾件大大件既煙三文魚同好多磨菇，而且想讚下個意粉係熱辣辣咁上餐，即係話一煮完就送出黎！而我就點左個菠蘿藍蝶特飲，平時我都有沖開藍蝶，就咁飲都有陣淡淡好似麥芽既香，而呢杯再加左糖漿同菠蘿將藍蝶既味道再提升左，藍紫色既賣相更加係吸引！抵食：計番一人百幾蚊，份量