Video
Read full review
2019-06-20
145 views
父親節要帶父親去食好野，由於爸爸係一個唔鐘意搭車嘅人，我同呀妹惟有搵下大角咀嘅新餐廳。大角咀近年變化急速，有唔少中價新餐廳進駐，我地第一次黎到利奧坊呢個商場。落地玻璃、開放式酒吧、live band (夜晚有表演)，氣氛唔錯。午餐只有set lunch，但選擇多元化，有沙律、意粉、肉類等等，是日甜品有三款。我地叫左五個set一齊食。餐湯係番茄濃湯，加入basil，口感較杰，番茄味道調較得酸左少少，但勝在開胃。慢燉牛肋條貓耳朵粉，出面少見，貓耳朵粉一啖幾粒質感好好咬，牛肋條夠淋，灑左少少芝士粉，我碟粉不斷俾人偷食囉。什錦海鮮貝類幼扁麵，幼扁麵軟硬度岩岩好，海鮮味足，加左番茄提昇味道，蝦新鮮彈牙，蜆幾大粒，呢度嘅意粉類都唔錯。厚切雞扒青瓜蛋黃醬三文治 配 法國鴨油喜馬拉雅岩盬蒜蓉薯條，媽媽呢個主菜個名最長，亦都最邪惡。薯條用鴨油炸起，味道比普通薯條香，質感亦較脆身，雞扒炸完仍然多汁，炸粉唔會太厚，加埋酸瓜食幾夾。慢煮澳洲肉眼 配 炙燒荷蘭汁、沙律、薯粒，慢煮嘅牛扒冇得揀幾熟，望落似平時六七成，幾有牛味，配荷蘭汁食幾特別。加拿大保濕嫩豬鞍 配 馬鈴薯泥 及 蘋果乾蔥甜辣醬賣相、份量同味道都有
落地玻璃、開放式酒吧、live band (夜晚有表演)，氣氛唔錯。午餐只有set lunch，但選擇多元化，有沙律、意粉、肉類等等，是日甜品有三款。我地叫左五個set一齊食。
餐湯係番茄濃湯，加入basil，口感較杰，番茄味道調較得酸左少少，但勝在開胃。
慢燉牛肋條貓耳朵粉，出面少見，貓耳朵粉一啖幾粒質感好好咬，牛肋條夠淋，灑左少少芝士粉，我碟粉不斷俾人偷食囉。
什錦海鮮貝類幼扁麵，幼扁麵軟硬度岩岩好，海鮮味足，加左番茄提昇味道，蝦新鮮彈牙，蜆幾大粒，呢度嘅意粉類都唔錯。
厚切雞扒青瓜蛋黃醬三文治 配 法國鴨油喜馬拉雅岩盬蒜蓉薯條，媽媽呢個主菜個名最長，亦都最邪惡。薯條用鴨油炸起，味道比普通薯條香，質感亦較脆身，雞扒炸完仍然多汁，炸粉唔會太厚，加埋酸瓜食幾夾。
慢煮澳洲肉眼 配 炙燒荷蘭汁、沙律、薯粒，慢煮嘅牛扒冇得揀幾熟，望落似平時六七成，幾有牛味，配荷蘭汁食幾特別。
加拿大保濕嫩豬鞍 配 馬鈴薯泥 及 蘋果乾蔥甜辣醬賣相、份量同味道都有驚喜，豬鞍嫩滑豬味濃郁，大塊又厚切，醬汁唔算辣，起到中和作用，薯蓉好多，如果女仔叫未必食得哂。
甜品三款：檸檬蛋白餅，焦糖朱古力蛋糕、心太軟。檸檬蛋白餅清新芳香，酸度岩岩好，加埋甜甜嘅蛋白foam一齊食幾有層次。
焦糖朱古力蛋糕焦糖味好突出，另外仲加左焦糖脆脆，大滿足。
心太軟用靚朱古力整，濃味唔過甜，外皮質感似蛋糕唔係脆身，幾飽肚架。
飲品選擇好多，有九款茶、乳酪、咖啡、汽水、啤酒，真係總有一款岩每一個人。
咖啡拉花好靚，爸爸媽媽話係好飲嘅，我同呀妹嘅茶分別係洋甘菊、蜂蜜香料、雲尼拿同埋蘋果、玫瑰草、玫瑰花瓣、紅茶，好特別嘅組合，味道亦好天然。
啤酒比想像中大杯，酒吧size，竟然有得跟餐好抵。
另外仲有$328嘅二人tea set，星期六日供應，賣相超靚，作為大角咀朋友，我地會再返黎食嘅。
Post
