洛奇冰室 (Closed)

舊嘅吾去，新嘅吾黎，好開心見到銅鑼灣登龍街有新嘅茶餐廳名字出現。佢個名對於我哋呢啲做健身嘅人來講真係好好記。「洛奇冰室」店內格局與一般茶餐廳坐得迫迫地,都係咁上下。還講得切捉住下午茶嘅尾巴先點一份下午茶餐蜜糖鷄脾配炸薯條 $47我感受到即點即炸嘅威力，上枱時熱辣辣。至愛粗薯條，食落特別有口感，口感脆卜卜加埋茄汁簡直係Perfect。炸雞脾比手掌大一點，雞皮香脆，甜甜地嘅蜜糖味食落冇咁油膩，內裏雞肉仍然Juice，有水準凍奶茶 +$3凍奶茶比較淡口，茶底較單薄，奶嘅份量正常，少甜仍然系好甜，有待改善。常餐金牌沙嗲牛肉麵$50香滑炒蛋、腸仔、丹麥多士沙嗲醬味道突出、惹味香濃，牛肉食落都冇渣，公仔麵有彈性，吾稔，過關！炒蛋凍左，吾太滑。丹麥多士上勁多牛油，半溶化，好吃。超大杯「椰汁紅豆冰」+$8紅豆煮得軟稔香甜、花奶佔咗半杯，再喺上邊加上椰汁，唔會放太多冰, 飲落去特別香口濃郁。平時去飲先至有得食嘅「太極鴛鴦炒飯」依度都有得食，我哋梗係唔執輸。價錢唔平㗎 $82 ，但四個人開心share就OK啦。飯有炒底，我個人就鐘意茄汁嗰邊，茄醬酸甜度平均，肉絲下得多，好好送飯。白汁燴飯，用上爽口蝦仁和炒