三喜餐飲小廚鑊氣小炒雞煲火鍋 (Closed)

想食有鑊氣既小菜, 唔需要冒住食到一頭汗去大排檔, 嘆住冷氣食都可以, 仲可以食埋鷄煲, 呢間主打鑊氣小炒及鷄煲火鍋既食店就成為我今晚開餐地方店內面積都算寬敞, 牆上貼上食物相片宣傳, 仲有電視播放, 似做街坊生意格局餐牌有小菜類/火鍋類, 價錢又唔貴喎, 冷氣夠大, 一於黎個鷄煲滋潤一番海南椰子鷄煲(半隻$128) - 份量夠大, 先飲左湯, 好香椰子味, D椰子煲得夠稔, 食落都好鮮甜; 鷄肉煲完食落都唔嚡口, 果然係一煲好椰子鷄煲, 即使咁熱天氣食都唔會燥熱, 湯底仲可以用黎烚菜/其他食材, 一煲兩食!蜜椒鱔球($128) - 已去骨既鱔球 , 啖啖肉, 食起黎超方便, 外面有蜜糖味既脆皮包住內軟既鱔肉, 真正食到既外脆內軟口感, 超推介呢味菜 自製三層豆腐 ($78) - 侍應推介呢款以菠菜為面, 紅豆底既炸豆腐, 豆腐以鮮豆漿製成, 食落更有豆味, 口感更札實, 一碟有8件, 頗抵食 芥末薯仔牛柳粒 ($88) - 食材切成粒狀, 一口一粒, 方便進食, 醬汁有芥末味道但唔會搶喉, 牛柳粒當然稔滑, 用黎送飯一流廚房不時傳來炒鑊聲, 小菜夠晒鑊氣, 價錢親民, 仲唔收加一費用