味來中菜餐廳 (Closed)

夠鑊氣又惹味的中菜，在太子地鐵站行約5分鐘，價錢都街坊價仲要份量十足，仲要這裡晚市免加一，坐卡位幾舒服，2人食$248超飽肚 @ 太子 味來中菜餐廳 茶芥我要了普洱，沒想到味道咁特別，一打開原來不止有普洱仲有陳皮，每位$10絕對有驚喜，而且味道好濃郁，食完餐飯再傾計飲仲有好濃的陳皮普洱香 南乳齋煲$88真心大份，個煲勁熱好香，入面素菜料不少，底部仲有粉絲。南乳醬不是太多岩我口味，因為太多醬反而會好咸同杰身。所有材料如枝竹，茄子都浸入南乳味好味，當然仲有白菜，木耳，豆卜… 招牌小炒王$128，腰果同魚仔炸得好香口又脆不油身，九菜花好多又惹味，魷魚鬚新鮮彈牙，入面仲有食晒成個菜的底部都沒有油抵讚。叫咗2個惹味小菜，我哋就叫左白飯一人一半剛好