九龍坎麻辣火鍋

Open Now

Now Closed

襯住天氣仲凍，緊係把握時間打邊爐啦🍲 見到呢間喺油麻地嘅九龍坎麻辣火鍋，佈置充滿宮廷風，就算係餐具同擺設都有古色古香嘅感覺😆呢間餐廳以正宗成都麻辣口味火鍋作招徠，經典鴛鴦湯底包括招牌牛油紅鍋同高湯，牛油紅鍋愈煮愈辣同麻，絕對係正宗嘅成都風味🌶️九格格入面有9種不同火鍋料，包括有桂花蚌、鮮蝦、巴沙魚、鮮鴨血、鵝腸、龍蝦丸、海帶苗、黃喉同埋毛肚。最驚喜嘅肯定係鮮鴨血，應該唔多地方可以食到咁新鮮嘅鴨血，充滿鮮味而且口感嫩滑，完全無腥味，好食到要嗌多碟！蔬菜方面，茼蒿菜好甜，筍片玉口感幾特別，而且幾吸湯汁🍲•炸芋頭•無骨鴨掌（小份）•鮮藕片（小份）•百香果檸檬茶