大宅

Open Now

Now Closed

年底朋友聚餐，提議去試新嘢，見到銅鑼灣問月酒店入面開咗間新中菜，所以大家一齊去試吓。餐廳地方唔大，但係好精緻，中式裝修，同間酒店一樣，都幾有特色。一入去吧枱背後已經有一酲酲嘅酒，再有個木架放晒啲香料同食材，應該都係一間着重用料嘅餐廳。個菜牌有啲家常餸，傳統餸，都有海味宴客菜。選擇都幾吸引。一定要講吓個前菜，🐟苔菜白飯魚! 真係好耐冇食過苔菜炸魚，呢度居然有，仲要係白飯魚！我哋叫咗碟鮑魚好惹味，火侯啱啱好，好軟彈。佢哋個招牌係濃油赤醬煙燻雞，上菜嗰吓啲香味已經撲上嚟，大家都即刻開動，夠香入味，雞肉嫩滑👍🏻。見而家仲有蛇羹同臘味糯米飯，都試咗，兩樣都好足料好味👍🏻甜品一定要叫個大煎堆，好有儀式感，圓滿。整體食物👍🏻 價錢合理，環境舒適，同屋企人都啱食，下次會再嚟。