寶斯重慶紙包魚

Open Now

Now Closed

四個女仔，係油麻地去完Cafe飲完野，突然覺得肚仔餓，即刻諗起近近地既佐敦吳松街，吳松街出左名多野食，一定大把選擇，正當苦惱食咩之際，比我地見到個好得意既招牌：紙包魚🐟，原來係食麻辣野咖，正中我下懷，因為我無辣不歡🌶，就決定試試佢啦，我地當然要試紙包魚啦，要左大邊小辣，另外點左幾款小食，1.嗆炒土豆絲-同無大陸食既味道一樣，好感動，2.夫妻肺片：麻麻辣辣，開胃。3.涼拌秋葵：好味，唔辣。4.麻婆豆腐：用黎撈飯一流呀。5.回鍋肉：呢個好好食，夠晒肥，不過食到最尾會覺得好油，未必個個歡喜。6.酸辣薯粉：我地都覺得唔夠味，有點淡。最後終於到條魚啦，首先魚係用紙包住，放落煎盤度，煎一陣之後，入面已經調好晒味道，之後侍應會拎走啲紙，由得條魚繼續煎，呢個時候，就會聞到超香既麻辣味，真係好香，食既時候係冇諗到啲魚咁滑，呢個味道同烤魚完全唔同，我覺得比烤魚更好味，而且呢個紙包魚食到最尾啲魚都係滑咖，好神奇