定食 Doraya (駱克道)

Open Now

Now Closed

今日6:40到餐廳，已經有幾隊人等緊位。對比其他鋪頭，呢間特別受歡迎。由於要齊人入座，其人人又未齊人，等左大約5分鐘就入得。本身唔大好吞拿魚刺身，但見呢度吞拿魚比較出名，所以叫左個粒粒魚生飯，可以試到三款刺身。定食有：湯，茶碗蒸，醃豆同埋酸蘿蔔。加10蚊可以由麵豉湯轉為蜆湯。蜆湯味道偏鹹，蜆的份量十分多，分給另一碗湯亦足夠。食完前菜都填左少少個肚，食完先明白茶碗蒸既份量為何特別細。魚生鮮味十足，三文魚的油脂超好食，有入口即融既感覺。飯粒粒粒分明，明顯比其他日式用的飯粒不同。如果餐廳斟的是熱茶而不是熱水會更好。