海南餐廳 (Closed)

呢間餐廳大部分嘢都唔係好掂，但係響公司附近，所以間中都會幫襯。比較接受到嘅係佢嘅焗椰汁雞飯，勝在椰奶夠多唔慳本，雞雖然雪過但還有雞味，焗香咗之後浸住椰汁一齊食相當唔錯，最差係啲飯，時冷時熱時軟時硬。不過$78 包湯包蒜包包飲，算係相當抵食嘅一餐飯。(冇加一，只收cash）咖啡係咖啡機出，有啲似快餐店嘅咖啡。之前食過肉骨茶，茶還茶骨還骨，好似分開兩樣嚟煲咁，肯定唔係慢慢燉煮。茶湯帶酸，一啲藥香都冇，肉骨就又乾又硬，唔知翻煲過幾多次， 以後都唔會食。