翡翠拉麵小籠包 (Moved) New Location

好多時lunch都係食西式set lunch,今日想試下新口味,所以就去左食翡翠拉麵去之前聽同事講可以o係G/F print到coupon有free野飲,所以就print埋先上去,好彩自己一個食,都唔使等位就入得去lu!!!見今日凍凍地,所以換左杯熱既羅漢果茶!雖然味道略嫌唔夠濃,但清清地都幾好,總好過有d出面既餐廳得個甜吧.....最鍾意就係食擔擔麵,所以今次都叫左!!!嘻.......湯底好杰好香好足料,加上好濃烈既花生味,又有少少辣咁,好好味d麵既質地都好有彈性,即使過左一陣都冇畀d湯浸到淋晒!!!!哈哈....雖然食完碗麵已經飽飽地,但硬係覺得食上海野一定要食小籠包,所以都order左黎食!!!小籠包個皮唔算好薄,但入面有好多湯, 肉既份量都岩岩好!!不過一個人食四個真係有點飽