Video
Read full review
2015-12-14
2269 views
今日本來諗住同朋友一齊出黎旺角行下睇下鞋就算，點知佢突然同我講話想食埋野先走，咁就唯有上openrice揾下野食喇，跟住見到呢間野有日本野食仲要有埋韓燒好鬼吸引，所以就緊係即刻去試下喇。去到果度，好在都算早唔會太多人。唔洗等位就已經有位坐低食。餐廳係限時兩個鐘嘅，個半鐘就last order.不過絕對夠時間食喇，因為呢度真係好鬼多野食，有刺身，壽司，不同嘅日式料理好似天婦羅同埋拉面，仲有人參雞湯等等韓式料理，最緊要係佢仲有爐係食客面前，我地可以邊食刺身邊燒肉，你兩個鐘點會唔飽。刺身拼盤餐廳送俾每位顧客一人一隻大蝦，其他刺身就基本上係任叫嘅，大蝦好大隻入口好有口感，夠晒彈牙又幾鮮甜。不過如果可以任叫嘅話就更好喇，其他野質量都好好，唔會有雪味又唔會有霉爛嘅感覺，入口新鮮。天婦羅天婦羅唔會太厚粉，上枱嘅時候熱辣辣，又夠脆身，尤其係天婦羅蝦真係可以試下，絕對令人有驚喜嘅感覺蕎麥冷面蕎麥面入口彈牙，餐廳為呢個蕎麥面提左個酸汁，所以成個冷面食起上黎更加醒胃，即使佢份量唔小，但係食完之後都唔會覺得頂住個胃豚肉湯煮蜆，蜆肉幾鮮甜，肉質唔錯，不過湯底比較淡，濃啲味嘅話感覺會更好一啲食完熟食緊係要燒下野食
去到果度，好在都算早唔會太多人。
唔洗等位就已經有位坐低食。餐廳係限時兩個鐘嘅，個半鐘就last order.不過絕對夠時間食喇，因為呢度真係好鬼多野食，有刺身，壽司，不同嘅日式料理好似天婦羅同埋拉面，仲有人參雞湯等等韓式料理，最緊要係佢仲有爐係食客面前，我地可以邊食刺身邊燒肉，你兩個鐘點會唔飽。
刺身拼盤餐廳送俾每位顧客一人一隻大蝦，其他刺身就基本上係任叫嘅，大蝦好大隻入口好有口感，夠晒彈牙又幾鮮甜。不過如果可以任叫嘅話就更好喇，其他野質量都好好，唔會有雪味又唔會有霉爛嘅感覺，入口新鮮。
天婦羅天婦羅唔會太厚粉，上枱嘅時候熱辣辣，又夠脆身，尤其係天婦羅蝦真係可以試下，絕對令人有驚喜嘅感覺
蕎麥冷面蕎麥面入口彈牙，餐廳為呢個蕎麥面提左個酸汁，所以成個冷面食起上黎更加醒胃，即使佢份量唔小，但係食完之後都唔會覺得頂住個胃
豚肉湯煮蜆，蜆肉幾鮮甜，肉質唔錯，不過湯底比較淡，濃啲味嘅話感覺會更好一啲食完熟食緊係要燒下野食，餐廳有好多野俾客人選擇，有不同嘅肉類，海鮮甚至蔬菜都有。。。不過我地呢啲食肉獸就緊係食肉肉喇~~~
羊排，醬料都算入味，唔會太咸，而且入口都幾軟綿綿，唔會太蘇，岩晒果啲唔鐘意果陣味而又想食羊嘅人。
牛肉粒，個人覺得煮呢個牛肉粒其實都幾考功夫，因為要不停咁轉，如果唔係就真係好易焦，不過煮完之後都算真係唔錯嘅，牛肉味濃，肉質又唔會韌
牛舌，首先醬料入味，切唔算太薄燒得都算容易，而家好快就熟，值得一試。
食左咁多野緊係要食啲甜品嘅，呢度有成個甜品櫃係度任人簡，真係好正架。最近真係比較小係旺角食飯，估唔到呢間野比較想像中要好唔小，作為放題佢嘅熟食又好，刺身又好，都俾人眼前一亮嘅感覺，下次再約人黎先得。。。
Post
