Waki Shokudo (Garden Rivera)

今日去左沙田圍河畔附近探朋友， 順便食埋飯， 呢度附近開左好多唔同餐廳， 有台灣 越南 泰國 西餐 雞煲， 乜都有。

今日就試呢間日本野， 門口有Food Gulu app可以拎定飛，不過我地早，6:30去到，唔洗點等位。

入到去都坐滿左大半， 本menu 好厚， 好多選擇， 有沙律，有丼飯， 有壽司， 有刺身，有串燒。

田樂麵豉燒日本米茄子

$42

呢個茄子好特別， 加左麵豉去燒， 好香， 本身茄子冇乜味， 所以好吸味， 好香口， 可以食幾舊。

沖繩風沙律

$58

個沙律叫沖繩風， 上面加左啲海葡萄， 第一次試海葡萄，冇乜味， 好似海帶咁， 配埋啲生菜， 感覺好新奇。

天婦羅盛合

$72

呢個天婦羅盛合， 份量都幾多， 3隻蝦 再加幾舊蔬菜， 有南瓜， 有茄子等等， 炸得幾好， 夠香口。

黑豚肩燒丼

$75

個黑豚飯幾好味，啲汁好濃， 啲肉吸曬， 啲肉夠淋， 配飯好好。 好開胃。 仲有啲配菜泡菜跟埋。

芝士厚燒玉子

$42

芝士玉子燒夠厚， 入口啖啖肉， 唔會太甜。 偏實。唔會散。

三文魚5味

$72

三文魚5味， 一款係正常乜都冇加，一款加左牛油果， 一款加左海膽， 一款加左咖哩鹽再燒，一款加左芝士再燒。 全部都好特別， 有新意。