嚐館 (Closed)

前排去九龍城街市買完牛肉，咁岩又兩點夠鐘食下午茶，見到呢間餐廳嘅就價錢又唔貴，同都幾多人幫襯，當日接近坐到滿哂人，就入咗去食。🍗瑞士汁雞髀配薯條雞髀好大隻，一上枱淨睇雞脾就已經feel到佢好入味，食落去果然好重瑞士汁，再配埋新鮮炸好嘅薯條，真係好邪惡！🍞 ⁠粒粒黑白西多士呢款西多士好岩我呢啲懶人，唔洗切就咁用枝叉吉住就食得；個名叫黑白西多都好貼切，佢嘅醬汁係煉奶同朱古力醬，配埋新鮮炸好嘅西多士，都真係幾夾！🥯 ⁠蔥花叉燒粒炒蛋菠蘿包估唔到菠蘿包配蔥花叉燒粒炒蛋都咁夾，就咁淨食炒蛋都好好味，一開頭以為隻蛋炒得過熟，點知切開入面嘅蛋仲係好滑嫩。🍹 ⁠就是菠蘿冰第一次飲菠蘿冰，估唔到入面菠蘿嘅份量有咁多。🫘 經典紅豆冰紅豆冰平時食下午茶必叫，大大粒嘅紅豆加上順滑濃郁的淡奶香，簡直係絕配！🍹 ⁠凍檸茶檸檬茶無咩特別，新鮮檸檬片都有成四至五塊。