博多拉麵別天神 (Closed)

男朋友係一個拉麵愛好者,所以當諗吾到想食咩D咩特別野,就會同佢去食拉麵。今次食嘅博多拉麵別天神好似都有好幾間分店,店舖亦吾大只有幾個座位,但裝修令人有種置身於日本嘅感覺。今次去到只有豚骨拉麵,本來覺得只有豚骨一種囗味好似冇咩特別,不過細心留意之後,發覺原來店舖貼左張小貼士,自行添加店舖 提供嘅配料變成吾同風味嘅湯底。令一碗豚骨拉麵變身成為幾款吾同風味嘅拉麵。我一開始就試左原味嘅超濃豬骨湯底先,湯底係經過壓力煲長時間熬製而成,令湯底變成奶白色。湯底濃郁得黎吾會令人有口渴嘅感覺。之後我再加左蒜蓉同埋佢地特製嘅辣芽菜,令拉麵味道立刻提升,特別推介加佢地嘅辣芽菜,小小辣但係令到碗拉麵更有口感。我哋嘅套餐可以選擇餃子或者小龍蝦蟹子沙律,我同男朋友就各揀一款,兩樣都可以試晒。 餃子就冇咩特別啦,不過小龍蝦蟹子沙律就令我有驚喜,份量都吾少,而且真係有好多龍蝦肉,仲附送左紫菜可以包住黎食。