Video
Read full review
2019-08-29
673 views
我生日梗係去打邊爐！平時做gym成日經過既扇火鍋 終於試到喇！我地簡左今期流行：泰式冬陰公湯底好快就上齊啲材料，店員會教我地炒個湯底，首先用一舊和牛脂肪爆香啲蝦、尤魚同香料先，再倒啲湯落去，本來以為佢唔會幫手，但佢落手落腳咁幫我地又好積極咁介紹，係呢個同時，我偷偷留意了佢既名牌 我地食既係，澳洲上級長期穀飼牛餐，有埋牛舌、豚肉牛肉肉味濃，厚薄適中，油花都靚。更正既係牛舌，爽口juicy出面自助吧都好多任食配料，要推介芝士豆腐，入面好多芝士，口感冇芝士丸咁彈，係比較似豆腐既口感店員既小推介係冬陰公湯底配公仔麵，果然正！最後好想讚下呢位店員，佢由我地入座就開始服務我地，態度好好，醒目，食生日蛋糕時，佢拎住蛋糕背住我地幫我地點埋candle，神秘地一個轉身，好開心咁唱happy birthday to you～又幫我地切同分好曬蛋糕，我仲留意到佢好勤力，周圍打點一切，希望貴店見到，佢真係一個好員工！
平時做gym成日經過既扇火鍋 終於試到喇！
我地簡左今期流行：泰式冬陰公湯底
好快就上齊啲材料，店員會教我地炒個湯底，
首先用一舊和牛脂肪爆香啲蝦、尤魚同香料先，再倒啲湯落去，本來以為佢唔會幫手，
但佢落手落腳咁幫我地又好積極咁介紹，係呢個同時，我偷偷留意了佢既名牌 我地食既係，澳洲上級長期穀飼牛餐，有埋牛舌、豚肉
牛肉肉味濃，厚薄適中，油花都靚。更正既係牛舌，爽口juicy
出面自助吧都好多任食配料，要推介芝士豆腐，入面好多芝士，口感冇芝士丸咁彈，係比較似豆腐既口感
店員既小推介係冬陰公湯底配公仔麵，果然正！
最後好想讚下呢位店員，佢由我地入座就開始服務我地，態度好好，醒目，食生日蛋糕時，佢拎住蛋糕背住我地幫我地點埋candle，神秘地一個轉身，好開心咁唱happy birthday to you～又幫我地切同分好曬蛋糕，我仲留意到佢好勤力，周圍打點一切，希望貴店見到，佢真係一個好員工！
Post
