韓牛韓式燒烤 (Closed)

本身聽到個名以為係淨係得韓國菜，但去到發現有好多選擇！日式既有壽司、手卷、刺身等等。 中菜有炒芥蘭、炒海鮮、湯。仲有個沙律bar，可以作為開胃菜！肉類有好多款，基本既有五花腩、肥牛片，仲有醃過既墨魚、魷魚！ 甜品都有好多選擇，竟然有一口芒果糯米飯，細細啖又可以試下，過下癮都好！ 仲有豆腐花、桂花糕、泡芙等等。當然仲有韓式小菜啦！食物總類真係好多！呢到韓燒放題係自助式，自己出去拎野食再番去燒。會提供一枝油比你，而家個pan唔算好痴底， 燒左3-4 round 肉都仲用到！ 野飲方面就正常啦，應有既都有！呢餐食到好飽，好滿足！想一次過試多種野食既朋友可以黎試試！