大喜屋 (Closed)

幾個朋友，又唔想諗食乜，就不如食放題，上網見呢間大喜屋好似好多野食，就黎左試下。話明放題，梗係自己剔下食咩先。魚生刺身都幾新鮮，長腳蟹都好肥美多肉，食落都夠凍，最梗要食物都黎得快呢個牛肉烏冬都幾好味架，牛肉啱啱熟，夠嫩，烏冬彈牙。壽司不會太大件，剛剛一口食晒。羊扒都唔錯，夠厚身，冇乜蘇味。仲有其他美食，炒芥蘭，紫薯，焗芝士蠔都好高質。最後食個甜品先，又有我最鍾意既haggen dazs, 但係季節限定既。