上海姥姥 (Closed)

餐廳分店愈開愈多，雖然食上海菜預左貴，不過好食既話又冇所謂。今次就試下連鎖店既好唔好食。叫左姥姥手製排骨拉麵($57)，雞絲粉皮(輕盈$39)，招牌小籠包($40)。排骨雖然炸過，但唔係脆身個款，酥炸feel既。肉質嫩而唔"鞋"口，唔油膩。而手工拉麵湯底清，唔錯。麵條硬度適中，手工製但粗幼條條差唔多。雞絲粉皮鋪滿麻醬，幼滑，充滿花生香味，拌勻之後啖啖都食到麻醬。雞絲量正常，不過略嫌青瓜絲少，冇左爽脆既口感。輕盈版真係好少，少過其他餐廳，想食就叫番正常size好d。食上海菜唔少得小籠包，皮算薄，不過多汁，內餡多而鮮甜美味。唔錯。整體，要加一，小籠包係唔錯既。不過，而家有好多餐廳既上海菜做得更好食，如果普通食飯，去其他小店更抵而好食。如果聚會個d，環境尼間坐得舒服。