戀 (太子集團中心) (Closed)

👍🏻 海膽刺身以海膽杯嘅形式呈現 上面嘅海膽大大嚿 色澤金黃 好吸引！入口即溶 海膽味道超濃郁 餘韻會喺口中停留好耐😍😍可以搭配下面嘅青瓜絲一齊食 清爽👍🏻 特盛刺身拼盤 🐟刺身款式頗多 有吞拿魚、三文魚、帶子、八爪魚、赤蝦、油甘魚、吞拿魚蓉等 新鮮鮮甜 而且切得夠厚 令人愉悅🤓👍🏻 新鮮生蠔🦪生蠔要睇吓好唔好彩有冇貨 今日試咗兩隻來自法國嘅生蠔 鹹味唔算突出 但生蠔本身非常鮮甜 肉質滑溜 都可以一試😙👍🏻 串燒串燒可以選擇鹽燒/醬燒 我哋選擇左前者 因為咁樣更加可以突顯食材味道😉佢嘅選擇都幾多元化 火喉足 而且最好嘅係店員會為你準備一個爐 當串燒變凍 就可以自行加熱！推介嘅有🙆🏻‍♂️✅ 孜然雞翼✅ 厚切牛舌✅ 五花荔枝肉👍🏻 海老野菜天婦羅烏冬天婦羅皮薄係必須嘅 搭配埋食材新鮮 炸得酥脆不含油就係簡單美味❤️海老大隻好厚肉 有鮮味！野菜有南瓜、茄子🍆等 加埋好味既讚歧烏冬 正😄注意事項⚠️- 新張優惠 兩至三人訂坐 餐廳送串燒六式拼盤🤗詳情向餐廳查詢- 餐廳門口有免費日本果汁冰條😎大家千祈唔好錯過！