小火焰韓式咖啡廳 (樂富廣場A區) (Closed)

樂富分店環境大，可以容納超多客人，座位仲要闊落。餐廳內播有kpop音樂，好有韓國氣氛。用QR code落單，有wifi提供，慢慢揀食物都冇問題。餐牌應有盡有，由前菜到甜品都有，素/肉食者都岩，單點/套餐都有。平日晚市，餐廳客人眾多，仲有唔少人外賣自取，有優惠仲有食物送。芝味炸雞(半份$108)，一送上枱就傳來濃烈既芝士味。炸雞沾有芝士粉及醬，唔鍾意可以選擇走粉/醬添。炸雞香脆，外皮唔係平時個款炸皮，但口感依然好食。雞肉嫩，唔會乾/老。半份有2隻髀2件近雞胸位，就算近雞胸部位，肉質都滑。侍應仲提供手套，方便拎上手食雞。吹賬水牛芝士牛肉野菌沙律($138)， 打卡呃like首選，有一大個水牛芝士氣球。用刀刺穿，配搭牛肉，或者就咁食，一樣滋味。牛肉堆砌後，撥開食，發現原來份量唔少，而且每片都有適當厚度，好難得唔係沙律既菜多過肉～牛肉唔會燒得過熟，所以唔會好靭/老。表面灑左d辣粉，提味。沙律加左黑醋調味，特別在於仲有菇菌，所以更鮮甜，同埋多一種蔬菜，唔會只得菜葉單一。宮廷野菌炒年糕($88)， 超級好食兼入味，份量多都滿，醬汁甜甜唔膩。配料有大量煙靭年糕、雜菇、栗子粒(?)、紅椒、翠肉瓜，食極