My Burger (Closed)

新蒲崗雖然唔係繁忙區域，但都有好多餐廳，今日就試試漢堡專門店嘅出品，叫咗德洲煙燻雞漢堡($49)🍔嗰時大約11:45，但已經有幾枱堂食客，亦都有唔少人買外賣，應該質素唔錯🙈麵包同其他餐廳有啲唔同，偏向乾身，表面仲有少少粉，雖然更有咬口，不過我都係鍾意甜餐包多啲😛雞扒有2至3塊，份量超多，食到最後一啖都仲有，雖然係平平地又幾嫩滑嗰種雞，不過比得咁慷慨而且$50有找，我覺得可以接受🤣醬汁方面係辣嘅燒烤醬同沙律醬，又係好似唔洗錢咁落咗好多😝不過神奇地又唔會覺得太重口味，而且硬身嘅麵包冇咁容易淋，面對大量醬汁都唔會溶咗，整體而言幾唔錯，係同煙燻拉唔上關係啫😂其實仲有唔少奢華嘅選擇，例如龍蝦同軟殼蟹，大家亦可以加錢自組心水配搭👍🏻