古今 (Closed)

較早前食過觀塘既《古今二》，今次就想試下尖沙咀分店。店舖面積較細，座位較少同迫夾，建議黎之前打電話訂座。依到既特色卷物有廿幾三十種，花多眼亂😂咩唔同配搭都有，當中有好多款都有牛油果。取名亦都幾有創意，menu見到全部賣相都好吸引！另外仲有小食、前菜、沙律、定食、壽司選擇🤤配返杯生啤/sake同朋友傾下計又一晚。．🔸軟殻蟹沙律 $85好大盤，夠2-3個人食。軟殻解炸得好脆，上面有少量蟹籽，配dressing幾好食。沙律菜佔七成，底部有三成中華沙律。🔸金龍卷 $88 (芝士、炸蝦、三文魚)依個算係少數無牛油果既選擇😂賣相精緻，有八舊，真係成條金龍咁！雖然炸蝦係飯卷中間，但一樣keep到好脆，唔會林左。🔸三文魚PIZZA $88 👍🏻第一次食咁樣既配搭幾特別！味道都好夾！「批底」其實係炸過既飯底，好脆。批面舖滿了三文魚粒，仲有少少粟米片同蟹籽。另有蟹柳/鰻魚/呑拿魚口味。．by VIN環境分數: 6/10食物分數: 8/10