福岡漢堡扒 (厚福街) (Closed)

主打多款特式配搭嘅漢堡扒，熟度任由自己石燒，店員服務幾好，會主動示範一次點燒，亦會主動收碟。*此餐廳收取加一服務費。中份菠蘿煙肉和牛漢堡扒（單點$131），漢堡扒牛味濃厚，配以菠蘿、洋蔥食用，味道清新，煙肉肉質偏瘦，芝士味道鹹香，雞蛋口感滑嫩。麵豉湯（跟餐$0），內有大蔥粒，鹹度適中。沙律（跟餐$0），椰菜絲沙律口感爽脆，配以日式芝麻醬食用，味道更佳。配菜（跟餐$0），包括有燒肉汁、海鹽、泡菜。金橘檸檬特飲（跟餐$0），梳打特飲，味道酸甜，飲落好清爽。