金田家 (Closed)

難得朋友過黎紅磡區玩，晚飯梗係要帶佢食好西啦。唔想食飯，咁食麵囉。唔要食中式野，咁日式囉。於是結論係黎金田家，日式麵食，符合晒所有要求啦 😂 而且仲有好多唔同口味既湯底可以揀 👍🏻 我揀左黑豚拉麵。薄薄既黑豚排滿碗邊，睇見都流口水。另外追加左粟米同玉子。黎得食麵，唔係唔加玉子呀嘛?! 溏心蛋又嫩又滑 😋 而拉麵依然保持一貫水準，麵質軟熟，無梘水味，加埋濃豬骨湯一齊食，確實唔錯。朋友鐘意刺激，本身食得辣，所以揀左激辛拉麵，但對我黎講就係一個挑戰，望聞都覺得太刺激。不過朋友就食到面不改容，仲好開胃，好快食晒成碗麵 😂 果陣我先食左半碗。雖然我唔太食得辣，但之前食過柚子辛口味又食到喎，仲覺得好清新，好鬼正。除左麵，餃子亦係我晌金田家既必食之選。餃子脹卜卜、大大粒，餡料包滿，薄外皮煎得金黃香脆，食時沾少少醋，一啖咬落去 🤤☁️ 想食多幾隻，唔想同人share~ 一個人肚餓黎食都可以，因為有一排單人bar 枱，一邊睇住師傅煮麵，一邊飲飲食食唔會悶 👏🏻