蝦蝦燒 (Closed)

之前試過佐敦這間蝦蝦燒覺得不錯，知道荃灣開咗新店就同朋友過嚟試吓，入到店內環境光猛企理，食物擺放得很整齊容易選擇！入座後店員會安排兩款預先醃製好的蝦給我們燒，分別有鹽燒同蒜蓉，仲有兩條好厚肉肥美的鱔！跟住開始夾蝦的體驗，服務員都很細心講解程序及示範👍自助區有多款海鮮任食任燒，有生蠔，鮑魚，扇貝，東風螺，魷魚，大蜆，原條大眼雞魚和𩶘魚，旁邊亦放了一些調味料可以按照個人喜好放落海鮮🦞特別推介扇貝加入蒜頭，辣椒粒和蔥粒，蒜蓉味香濃食落好鮮甜！食完海鮮之後可選擇一些肉類，丸類和蔬菜類，款式都有四五十種，有醃製好和未醃製好選擇！牛肉和蒜蓉包是必食的，牛肉燒完之後可以加入一些海鹽已經好好味，肉質嫩滑又多汁，蒜蓉包輕輕烘一烘已經香脆可-熟食方面有東風螺，西蘭花炒蝦球和麻辣蝦丸等…飲品方面基本都很齊全，最後當然留肚食雪糕啦！