大喜屋

Open Now

Now Closed

宜家嘅放題多咗好多食物種類，而且味道幾好，真係好抵食！出面自助區有飲品，甜品、前菜、炸物等刺身好多款、揀咗我鍾意食嘅幾款。三文魚、赤貝、帶子、北寄貝、象拔蚌、赤蝦、甜蝦。好快有得食，刺身靚靚，又好新鮮。帶子好雪白鮮甜。象拔蚌、赤貝都好爽，而且唔腥。赤蝦大隻又甜。放題真係算好好！壽司更吸引。叫咗幾款海膽山、花の戀、柚子帆立貝、鵝肝帶子、火炙岩鹽燒左口魚、黑松露甜蝦拖羅卷。海膽山細細件仲有紫菜、一啖食好滿足。鵝肝帶子好味！柚子帆立貝幾特別。甜蝦拖羅卷都好鮮好夾。花の戀就童年回憶～叫咗龍蝦沙律伴櫻花蝦多士，細細件好脆，味道唔錯！鹽燒牛舌都好味😋