又一棧 (Closed)

多年無幫襯又一棧，唔係因為佢質素問題，係因為夾唔啱時間地點所以無嚟，今次地理上配合到，於是就嚟食番餐，懷念一下嗰份味道。『素鵝』〜喜歡它那種特別的腐皮，淡紅色处貌，少少的煙煙靱靱，包著甘筍等餡料，感覺很清新，點上醋汁，加添了味道層次，幾好的前菜。『上湯雲耳翠肉瓜』〜 本身嗰名就唔係好記得。Anyway, 呢個好清嘅素菜非常好，有杞子上湯煮入翠肉瓜及雲耳，翠肉瓜雲耳都十分爽口，還有我好喜愛的白果，好夠淋，再加上白合，整個配搭很有營養。『水煮魚』〜魚幾鮮甜，麻辣味不算太強，適中程度。喜歡它不會太油，至起碼唔會嗰面有成寸油嗰種，辣椒蔥香十分惹味，越食越想食，加上有入晒味嘅薯粉，煙煙靱靱，口感很好。『蜜汁火方』〜 呢個特別嘅菜式唔係間間都整得好味。又一棧算整得幾好，汁嗰種甜味好配合金華火腿嘅咸味，加上簿脆片再放入饅頭片內，整個配搭非常適宜。『水餃』〜皮嘅厚度適中，豬肉唔肥，有淡淡麻油香味，而且非常夠熱，唔錯。 唯一係我們6點30分入坐，8點就要交枱, 食個半鐘好趕，想慢慢食都唔得，食都咁上下，想加多幾嗰餸又唔夠時間。明白香港租金貴，食肆都有佢嘅難處，但係食晚飯真係唔想食得咁趕。