呢間野之前比我既感覺就係單純「賣個名」，始終我依然認為個名大唔等於真係好食。
自己係偏向食素，接受海鮮或者肉類。初頭都擔心會唔會揀唔到野食，好彩都比我滿足到！
叫左
酸辣木耳米線(酸辣底+1，$27包一個餸，唔包飲品)，係呀，好齋！不過好好食！木耳切得好幼細，基本上呀姐一拎碗野黎，我第一眼睇到既就係呢碗係一碗木耳
對於一個出街食野比較多限制既人黎講，呢餐我好滿足！:)
另外，不得不提佢枱面個樽辣椒油，可能我食得OK辣，試左少少我覺得唔係好辣，但對於追求辣椒油個種「香」既人黎講，譚仔辣椒油一定要試。
可惜無影相:(，如果唔係呢篇會係一篇比較完滿既食評。新手上路，多多包涵！
