日月星快餐 (Closed)

係人都知0係呢頭開工的話我都會行遠一點去日月星叫外賣返地盤食，而每個星期四亦都係一個特別令我記得的時間﹗因為套餐有芙蓉蛋飯食﹗飯盒一打開，件芙蓉蛋真係多到滿瀉，最緊要的是這個塊蛋餅是經過摺疊的，即係話如果攤番開佢可能有兩三個飯盒咁大﹗蛋餅炒得乾身，拌以大量牙菜、蝦、火腿等配料，都唔知佢用左幾多隻蛋來炒了﹗20蚊仲要有奶茶，食完之後飽到七點，咁既時日仲去邊到搵？