餐廳環境唔錯個場好大，踏進去東瀛風直撲而來，入門紙燈籠排陣歡迎你，好靚打打卡都唔錯，日式裝潢掛滿旗幟，仿如置身日本感覺。
卡位寬闊舒適，主打橫濱燒及日式燒肉，但友人懶懶動手燒，唯有下次再試啦～
燒河豚魚亁 $88
口感半煙韌，甜甜地有魚香味，沾上蛋黃醬更佳，作為餐前小食唔錯。
磯燒岩蠔 (4只) $98
燒生蠔本身已經好鮮美，加了美味芝士沙律醬汁滿滿的，味道超濃有點膩，食一隻已好滿足。
清酒煮大蜆 $88
蜆肉大大粒無沙，清酒煮湯味香濃，蜆肉鮮味突出簡單好食。
什錦天婦羅 $78
賣相唔錯炸物一大堆，有齊炸蝦、茄子、冬菇、秋葵、南瓜及蕃薯，可以樣樣都試下，炸粉不算厚，脆脆地味道ＯＫ。
蟹甲羅焗飯 $98
面層舖滿咸香美味的蟹膏、絲絲的蟹肉及脆卜卜的蟹籽，蟹氏一家有齊感覺完美。飯量都幾多，飯粒粒分明，熱鍋底部有飯焦。拌勻食口感味道都好滿足，依個價錢都幾抵食。
