今次叫左個二人餐，包左兩個主食+兩個小食+兩杯飲品（$258）
5
茶香三文魚湯漬飯 - 三文魚煎到岩岩好，而且好大條，加入湯漬同配料，味道升華，真係好好味，必食呀！
紅燒牛肉麵 - 牛肉等到好軟爛，十分入味，湯底無變，一如既往好飲🥰 今次都必叫
黃金鹽酥雞 - 中規中矩
紅油抄手 - 紅油偏辣，食唔到辣既朋友要考慮，岩食辣朋友叫，整體唔錯
跟餐加$15 有芒果吉士頌窩夫，好推薦加，因為窩夫好食，有驚喜
另外，仲加左路邊攤小食，包括炸雞扒，香腸同埋爆汁豬肉丸 （$68），呢個價錢真係幾低食，味道又唔錯，又可以樣樣食到。
黎茶木甜品唔可少，見佢出左啲唔同既甜品，叫左個抹茶鮮果流心歐軟（$88），呢個同平時食開果個磚塊完全唔同，入面會有麻糬，麻糬控可以一試，幾特別的
7
