御前大江戶日式料理 (Closed)

身邊有好多朋友都話呢間磯燒放題正，等左咁耐終於book 到啦，去到都幾誇張，多人到落左3層樓梯，不過一到9:00就好快入得去。每人都有個預訂既set，有鮑魚仔、蟶子、生蠔等既海鮮，一路燒一路彈彈下，好過癮啊！仲可以睇住部pad，不停咁叫你想食既野，話曬都叫做放題啵。海鮮食落去都好新鮮，鮮甜既感覺出到黎，加埋小小醋調下味，簡直係一流。我最喜歡食個個蟶子，真係好鮮甜，大大隻放入口，感覺好滿足。值得一提既係店員們都好細心，不時走過黎同我地講邊樣可以食得，真係好貼心。係燒既同時，我地都叫左d刺生，估唔到佢既刺生都算生鮮啵，不過種類始終無咁多。食到好口渴，就出去攞支野飲，好誇張啊 ，個飲品櫃好大。基本上，你想飲咩都會出現係大雪櫃，仲有甜品雪糕雪條都有好多款，好似張7仔既雪條櫃搬左過黎咁。雪櫃旁有個自助枱，裏面有好多熟食。有炒粉面飯等等，所以說，唔怪得之呢間餐廳可以keep住咁多人黎食，因為佢既磯燒、刺生、小食同服務都同時滿足到你。