大喜屋

Open Now

Now Closed

上排嚟過呢度食放題，唔記得係唔係差唔多時間，但今次多人咗好多，仲有好多學生，同我一樣都食放題，可能學期尾佢哋早放可以慢慢食。出面自助放題區都有好多嘢食，有埋湯同餃子嗰類熟食，其中燒墨魚丸外脆內熱，竟然好食過好多出面街鋪。刺身同上次一樣高質，今次點咗上次無嘅油吞拿魚，非常鮮味。叫咗幾款壽司食，火灸蟹棒壽司好正，蟹棒大大條，前後叫多咗兩次。熟食有蠔同帶子叫，蠔唔係好大隻但D醬做得唔錯，帶子無論刺身定呢個熟食都咁鮮味。燒物嘅牛舌燒得唔會乾淨淨，好啱我口味。今次飲品櫃見到有自家製茶，試咗又估唔到幾有茶味，夾串燒類真係啱曬。食到尾拎咗個平時好少見甜筒食，仲有糖夾tim，大滿足。