滬點 (Closed)

星期六同朋友行完街，順便買埋嘢食返屋企。呀媽今日腳攰唔想出去，就將晚餐呢個重任交咗俾我。我一早喺Openrice App落定單外賣自取，搶得切Master Card$250-$80嘅優惠好開心✌🏻。我去到餐廳「滬點」，食物差唔多搞掂，店員好好人叫我入舖坐低等等🙏🏻。無幾耐店員就拎住兩大袋紙袋交比我，外賣包裝得好好，抵讚。題外話，餐廳環境幾好，花咗心思喺裝修上面，有啲中式風味之餘，亦不失型格😎。網上落單同喺餐廳直接落單差唔多價錢，每樣只係貴$2，但網上仲可以用埋優惠碼加慳番啲時間👍。蝦仁兩面黃($100)，呢個炒麵真係超高質，本身我擔心餐廳會唔會唔方開上，搞到啲麵淋哂。不過我嘅顧慮係多餘😃，兩樣分開裝得好好。兩面黃其實即係乾煎麵，三大個麵餅都煎得超鬆脆😋，每條麵條亦唔例外，唔會中間實咗、煮唔開咁。最驚喜嘅地方更加係佢一。啲。都。唔。油！芡汁味道偏清淡，但味道唔錯，而且真係有好多隻蝦肉🍤。灌湯牛肉餡餅($38/2隻)，餡餅偏細隻，皮厚，有少許似生煎包，不過肉餡就係牛肉🐮。話明灌湯，佢果然係好Juicy，呢方面無令人失望啊，有興趣嘅不妨試試。招牌小龍包($50/4隻)，小龍包拎到番屋企無變形