PIZZS即叫即焗, 大約等20mins就可以拎得!
餐廳內地方整潔, 天花上掛滿假櫻花, 第日有機會黎堂食, 打卡都唔錯!
外賣都有附送三款韓式前菜過下口癮
1
【黑松露薯條】HK$42 (再8折)
雖然外賣返到去薯條已經被倒汗水整林哂, 相信如果即炸起即食係唔錯,
粗薯條多薯肉, 配上味道夠重既黑松露醬食係唔錯!
【軟殼蟹忌廉汁意粉】HK98 (再8折)
原隻軟殼蟹很酥脆, 意粉比預期中乾身, 忌廉味偏淡, 食哂都唔會覺得好漏
【啖啖肉Pizza】HK$128 (再8折)
集合豬牛雞肉、火腿、洋蔥、紅黃椒、蕃茄醬、黑水欖, 厚批PIZZA, 餡料集中係中心位, 跟麵包比例相等,
蕃茄醬味道最為突出, 有少少肉做點驟, 如果餡料可以平均一d, 豐富一d會更好
跟餐+$20/杯可配乳酪, 由餐廳自行調製, 試哂兩款味道,
士多啤梨乳酪、芒果乳酪: 入口幼滑, 有淡淡果香, 不太甜, 相比下士多啤梨乳酪最好飲, 果香味較重一點
