可可豬海南雞專門店 (寶榮大廈) (Closed)

同事推薦過我幾次，放工終於去左買可可豬既外賣同屋企人食!特色椰香海南雞飯($43)，話明係海南雞專門店咁就一定要食下個海南雞啦，個飯好大香茅椰香味唔係普通油飯，香噴噴，雞夠滑嫩，點埋個醬好好味。仲有青瓜、蕃茄、生菜好似一個沙律仔咁配埋，均衡返個椰香飯!跟住見到有新menu，就叫埋驚嘆黑蒜醬燒豬軟骨飯($58)，真係幾令人驚嘆，因為個燒豬軟骨D肉真係好稔又夠晒大舊，軟骨夠爽脆，加埋個黑蒜醬蒜味濃又有d燒汁味咁甜甜地，非常開胃!成個汁直情用黎撈埋飯食!今日既食療拿杯湯(+$18)係香芋南瓜眉豆海底椰湯，menu有介紹養生功效，就被吸引加配埋。個湯濃得黎唔係杰個隻，飲到底仲有南瓜蓉，夠晒清潤養生，冬天飲埋個熱湯真係好舒服。