滷府 (Closed)

今晚放工經過鰂魚涌海光街，見到一間新開嘅滷味外賣店，個名改得好盞鬼，叫做滷府，就買兩個外賣返屋企同媽咪分享吓。叫咗一個慢煮特調滷水雞飯俾媽咪，雞肉柔嫩，有半隻滷水蛋，仲有幾片素鴨。媽咪讚口不絕。而我就叫咗特選滷味飯，因為佢有幾樣餸。有豬五花籃肉，豬耳，同埋紅腸，而且都有半隻滷水蛋同埋幾片素鴨，感覺特別豐富，味道亦都唔錯。我其實都好鍾意佢哋嘅白飯，煮得特別棉。晚市套餐係附送飲品的，一人叫咗一杯熱飲，飲品保溫杯非常突出餐廳品牌，又有型。