深井陳記燒鵝 (業豐大廈) (Closed)

今日去中環Staycation，游完水之後太攰又太餓想食個燒味飯，所以就外賣app搵吓有冇得食，點知見到有深井陳記燒鵝，諗都唔諗就叫我。都係，啱啱想寫食評嘅時候先見到其他foodie comment. 可能因為我唔係糖食，見唔到店舖職員體會唔到服務態度，淨係享受食物質素，又覺得幾好喎。燒鵝拼燒腩仔飯 $94 折後$6x 燒腩仔五層肉分明，送到黎酒店都仲脆卜卜，燒鵝唔係太肥，肉質都幾新鮮，雖然食唔出有荔枝柴嘅味道，但係整體感覺都幾滿意。深井陳記燒鵝飯雙拼 $89 折後$6x蜜汁叉燒喂燒鵝一樣，都係正常操作，油脂分布平均，皮都仲有小小脆口，叉燒都幾淋不過個人覺得焦糖位置唔夠平均，因為食到最後入面有少少過於粉嫩。