不籽是咖啡 (文豪閣)

Open Now

Now Closed

平時成日都Tea time 時間去cafe，次次都等位等到都唔想幫襯🤷🏻‍♀️，今次就試下夜晚先去依間近期大熱既cafe，果然唔洗排隊🤣，好興奮！店內以日式木系簡約風為主，文青feel，感覺舒服。我地選擇咗龍蝦湯配牛油果大蝦稻庭烏冬（HK$128)價錢偏貴，份量唔多！以為龍蝦湯就一定好鹹，所以未食時以為得個樣🤔都係為影吓相！估唔到都幾好食喎👍🏻湯既鹹味岩岩好，唔會杰撻撻，烏冬好滑，大蝦彈牙，但個人覺得個牛油果除咗顏色配襯ok😂，其實同個湯同烏冬係唔match的！燒鯖魚綠茶素麵（HK$88)佢地既冷麵汁係有淡淡既柚子味，酸酸甜甜配抹茶冷麵，好開胃，味道唔錯🤤，鯖魚亦都算大條，好食！Yuzu Honey Soda (HK$38)依杯好飲😋柚子味岩岩好，好清新既感覺，推介！Americano (HK$37) 咖啡味濃，但就偏酸，個人黎講就一般般。