Video
Read full review
2006-04-14
10 views
老尖金巴利街熟食中心,一直死氣沉沉,年前有個樣貌娟好的女子,大舉揮軍入侵.在此落地生根,自此之後,整個熟食中心,突然大翻身.昔日人影都無隻,今日變成歌舞昇平.原兇就係"妹記".小弟年前在金巴利道當老兼之時,睇住佢開,睇住老闆娘由青春無敵,做到今日謝謝地.年前經常性到此午膳,廿幾銀一個午餐有例湯有汽水,老尖指數黎講就真係超值.闊別兩年多三年,今日有朋友相約老尖late dinner,二話不說提議去妹記.夜晚九點多依然八成食客,四個人有人無甚胃口,亦有人食左少少野,睇住個花多眼亂的菜單,諗住點黃金蝦,賣晒,魚鄂煲,賣晒.遲來無得先上岸.啤酒同東寶一樣,用冰凍湯碗盛上.當年曾經問過老闆娘係咪參考東寶?)老闆娘直認不諱.就連菜式,都隱約地滲進少少東寶的玩味風格.炸豬手,呢味在東寶係必吃菜式之一,妹記也做得唔錯.非常香口,果茸鳳片,即係用牛油果,茄子,加上雞柳,炒埋一碟.牛油果同茄子,味道又幾夾.茄子質感適中,最怕吃到太淋或太硬.$38六隻蒜茸蒸扇貝,幾抵食,扇貝大大隻,夠新鮮.拍蒜泰椒炒珍肝,雞肝甘香,泰椒夠辣.送酒一流.最後一味鬼馬油炸鬼.比增輝遜色.裏面墨魚膠幾彈牙,但係外面炸得太硬了.硬
年前經常性到此午膳,廿幾銀一個午餐有例湯有汽水,老尖指數黎講就真係超值.闊別兩年多三年,今日有朋友相約老尖late dinner,二話不說提議去妹記.
夜晚九點多依然八成食客,四個人有人無甚胃口,亦有人食左少少野,睇住個花多眼亂的菜單,諗住點黃金蝦,賣晒,魚鄂煲,賣晒.遲來無得先上岸.
啤酒同東寶一樣,用冰凍湯碗盛上.當年曾經問過老闆娘係咪參考東寶?)老闆娘直認不諱.就連菜式,都隱約地滲進少少東寶的玩味風格.
炸豬手,呢味在東寶係必吃菜式之一,妹記也做得唔錯.非常香口,果茸鳳片,即係用牛油果,茄子,加上雞柳,炒埋一碟.牛油果同茄子,味道又幾夾.茄子質感適中,最怕吃到太淋或太硬.
$38六隻蒜茸蒸扇貝,幾抵食,扇貝大大隻,夠新鮮.拍蒜泰椒炒珍肝,雞肝甘香,泰椒夠辣.送酒一流.最後一味鬼馬油炸鬼.比增輝遜色.裏面墨魚膠幾彈牙,但係外面炸得太硬了.硬到可以扑穿頭.
眾人對此地環境非常滿意,岩晒一眾麻甩男女高談闊論飲酒煲煙.價錢唔貴,咁樣食法加多三支啤酒四個靚仔,都係三百二埋單,在老尖好難搵到此等廉價地方.
PS:是夜電影節"外交官場現形記",波蘭加俄國crossover之作,一個Polish 領事晚年迷失的故事.經過愛妻去世,加上其後遇上的政治問題,終日疑神疑鬼度日.
波蘭,唔止得波蘭斯基.
Post
